ჩვენო ძვირფასო ბრძენო ხალხო, რომელთაც გიწევთ მთელი ცხოვრების სიმძიმის გადატანა, ხელისუფლებისა თუ ხელისუფლების მსურველთა შავი სამუშაოს შესრულება, ვისაც კი მოუნდება ხელისუფლებაში და სათავეში ყოფნა, მაშინ ახსენდებით და გთხოვენ დახმარებას ხელისუფლების დამხობისა და შეცვლისათვის, მაშინ ახსენდებათ, რომ თქვენ გიჭირთ და თავზე გაყრიან დაპირებებს, ამბობენ, რომ ეს თქვენი კეთილდღეობისათვის უნდათ, თქვენ კი იმის იმედით, რომ თქვენს ცხოვრებაში რაღაც შეიცვლება, დაუფიქრებლად გარბიხართ ახალი არეულობის მოსაწყობად, მაგრამ ერთხელ მაინც დაფიქრებულხართ იმაზე, რომ ოპოზიციამ, როცა თავის მიზნებსა და გეგმებზე გაჰყვირის, რომელიმე თქვენთაგანს ჰკითხეს აზრი, თქვენ რა გინდათ? თუნდაც ერთ უბრალო მოქალაქეს გკითხეს თქვენ როგორ გსურთ? მარტო გამოდით და დაგვეხმარეთო, თუ დაფიქრებულხართ, რატომ არ გხდიან იმის ღირსად, გკითხონ თქვენ როგორ გინდათ, იცით რატომ? ისინი ხომ თქვენზე მეტი “ჭკვიანები” არიან, თქვენ ხომ ვერ “ხვდებით “ რა გინდათ, უფალს აქვს გამონათქვამი “როდის მერე იცით ხალხმა თქვენ რა გინდათო” და მათაც, ხომ უფლის ადგილას წარმოუდგენიათ თავი, თქვენ არ იცით რა გჭირდებათ და ვერც “აზროვნებთ”, ეს მათ იციან რა სჭირდებათ, თქვენ კი მათთვის მხოლოდ შავი მუშები ხართ, რომელთაც ხელფასებსაც არ უხდიან, ასეთ ხალხს კი მონა ჰქვია. თქვენ მიდიხართ ნებაყოფლობით მონობაზე, ზოგი სეირის საყურებლად, ზოგს არეულობა აწყობს, ვინაიდან “ამღვრეულ წყალში თევზის დაჭერა ადვილია”, ზოგიც პირადი ინტერესებისათვის და არის გაუთავებელი არეულობა და დესტაბილიზაცია, ძმის_ძმაზე და ქართველის_ქართველზე დაპირისპირება, საქართველოს უკუსვლა. ამით არ უმჯობესდება თქვენი მდგომარეობა, პირიქით, ამით საქართველოს ეკონომიკასაც ძირი ეთხრება. თქვენ თვითონ დაუფიქრდით, პოეტს თუ შეუძლია დაწეროს კარგი ლექსი, თუ ოთახში, სადაც ის მუშაობს, ხმაური და არეულობაა, მწერალიც ვერ შექმნის შედევრს, თუ მასაც სიწყნარე და მუშაობისათვის საჭირო პირობები არა აქვს, მეცნიერი ვერ შექმნის ვერაფერს არეულობის დროს, ადამიანს, რომელსაც სურს რაიმე შექმნას და გააკეთოს სჭირდება სიმშვიდე და სტაბილიზაცია, მაშ მთავრობაშიც ხომ ჩვეულებრივი ხალხია, მათაც ხომ უნდა ჰქონდეთ მუშაობის ელემენტარული პირობები. ოპოზიციას არ მოსწონს ეს მთავრობა? რომელი იყო მათი მოსაწონი მთავრობა?

დავიწყოთ კომუნისტური წყობის დანგრევის პერიოდიდან. ჩვენ ხალხმა ავირჩიეთ პირველი პრეზიდენტი ზვიად გამსახურდია. ექვს თვეში ოპოზიციამ მოსთხოვა გადადგომა, რატომ? ერთხელ მაინც დაგეკითხეს თქვენ, გსურდათ თუ არა მისი შეცვლა? ის მაშინდელი ოპოზიცია დღესაც ოპოზიციაშია. ირინა სარიშვილი, ირაკლი წერეთელი და ბევრნიც სხვები, მათ უკვე ოპოზიციაში ყოფნის 18 წლის სტაჟი აქვთ, მთავრობა რომ არ გადადგა, იარაღით დაუპირისპირდნენ ერთმანეთს, იმ დროინდელი ხელისუფლების წარმომადგენლებიც დღეს ოპოზიციაშია, ისინი დღეს დაუკავშირდნენ ერთმანეთს, რომ ახალი არეულობა მოაწყონ. მაშინდელმა ოპოზიციამ ჩამოიყვანა შევარდნაძე და დაგისვათ პრეზიდენტად, თქვენ ერთხელ მაინც დაგეკითხნენ? შევარდნაძე გადაგვირჩენს საქართველოსო და რა მოხდა? საქართველოს მოსახლეობა სიღატაკის ზღვარზე დადგა, ფუფუნებით მხოლოდ ის ოპოზიცია ცხოვრობდა, თქვენ კი ჩემო ხალხო გაგამდიდრეს? გადაგაყარეს თავზე ხვავი და ბარაქა? 6 ლარი დაგინიშნეს პენსია და იმასაც თვეობით ვერ იღებდით. ეხლა? მართალია საკმარისი არც ესაა, მაგრამ სხვაობა არის? შემდეგ ისევ აღიარეს, რომ შევარდნაძეშიც შეცდნენ და ეხლა იმ ხელისუფლების შეცვლა მოგთხოვეს. მოგთხოვეს იმ მთავრობის შეცვლაში ისევ თქვენ გეკისრათ შავი სამუშაო, თქვენ კიდევ ენდეთ და გამოხვედით ქუჩაში და შეცვალეთ ის ხელისუფლება, აირჩიეთ მათი მოწოდებული კანდიდატურა და ერთ წელიწადში ისევ დადგა ფეხზე ეს “ქრონიკული” ოპოზოცია და მოითხოვეს ისევ ხელისუფლების შეცვლა, გაჰყვირიან, რომ ეს მთავრობა შევარდნაძის მემკვიდრეა და უნდა გადადგეს, მაგრამ გაზეთ “ასავალ_დასავალის” ფურცლებზე, თითქმის ყოველ ნიმერში არის ინტერვიუები შევარდნაძესთან, მისტირიან მის პერიოდს, ერთს ვერ ვგებულობ, თუ შევარდნაძე ასეთი კარგი იყო, ან რატომ გადაგაგდებინეს, ან რატომ არ მოსწონთ მისი მემკვიდრე, მაგრამ უკვე ჩანს, რომ თქვენ მათზე უკეთ არჩევთ მტყუანსა და მართალს და ვადამდელი არჩევნების დროს აირჩიეთ ისევ სააკაშვილი, აყვირდნენ რომ გაყალბდა, ვინაიდან ოპოზიცია აცხადებს, რომ სანამ თვითონ არ მოვლენ სათავეში, ყველა არჩევნებს გაყალბებულად ჩათვლიან, შალვა ნათელაშვილი კი აცხადებს, რომ მაგ სკამს ის ვერავის ვერ ანდობს, საკუთარი თავის მეტს, სააკაშვილი ამაში აშავებს, ბოლოსდაბოლოს მისცეს ის სკამი და მან ახალი შეიძინოს საკუთრად და იქნებ იმ “საკუთარ” სკამს არ შეედავონ., მთავარია, თქვენ თვითონ დაუფიქრდეთ, არის თუ არა ცვლილებები ძველსა და ახალ ცხოვრებას შორის.

 ქართველო ხალხო, ამ არასაპარლამენტო ოპოზიციას ხომ თქვენ თვითონ სთხოვეთ დაეცვათ თქვენი ინტერესები პარლამენტში, მათ ეს ვერ შესძლეს, არ ეყოთ ძალა და უნარი ებრძოლათ თქვენი კეთილდღეობისათვის, ეს არც უცდიათ, პირიქით დახიეს და თვალებში მოგაყარეს დახეული მანდატები, თქვენ კი ტაში დაუკარით, ისინი 18 წელია იბრძვიან იმ ერთი სკამისათვის და არა თქვენთვის, კითხეთ რა მოსთხოვეს მათ მთავრობას თქვენს საკეთილდღეოდ და რაზე განაწყენდნენ, მხოლოდ ილანძღებიან, საკუთარ შურსა და სიძულვილს ვერ უმკლავდებიან, ეს 18 წელი სულ კონსტიტუციისა და კანონის დარღვევით იბრძვიან, თქვენ თვითონ წაიკითხეთ კონსტიტუცია, ის ხომ სახელმწიფო საკანონმდებლო დეკლარაციაა. შეგახსენებთ რამდენიმე მუხლს.

თავი1, მუხლი5, პარაგრაფი 1.

საქართველოში სახელმწიფო ხელისუფლების წყაროა ხალხი.

2. ხალხი თავის ძალაუფლებას ახორციელებენ რეფერენდუმის, უშუალოდ დემოკრატიის სხვა ფორმებისა და თავისი წარმომადგენლების მეშვეობით.

3. არავის არა აქვს უფლება მიითვისოს ან უკანონოდ მოიპოვოს ხელისუფლება. ისინი არღვევენ ამ მუხლს, არ იცავენ კონსტიტუციასა და კანონს. მათ იციან კარგად, რომ თქვენი ამხედრებით არღვევენ კანონებს და ამ შემთხვევაში ყველაზე მეტად თქვენ ზარალდებით, მაგრამ ამით მათ სურთ თქვენს გულშიც გააღვივონ მთავრობისადმი სიძულვილი.

კონსტიტუციის მუხლი25, პარაგრაფი 3.

ხელისუფლებას შეუძლია შეკრების ან მანიფესტაციის შეწყვეტა იმ შემთხვევაში, თუ მან კანონსაწინააღმდეგო ხასიათი მიიღო. ეს პარაგრაფი მათ ძალიან კარგად იციან,მათ თქვენთვის ჯერ უნდა გაეცნოთ ეს მუხლი და არავითარი 7 ნოემბერი არ იქნებოდა. მათ უფლება არ ჰქონდათ საფრთხეში ჩაეგდოთ თქვენი ჯანმრთელობა და სიცოცხლე, ან ისინი უნდა გადადგომოდნენ წინ თქვენზე მოქნეულ ხელკეტებს, რომელიმე მათგანმა გააკეთა ეს და მოიხვედრა თქვენი მოსახვედრი ხელკეტი? რომელი მათგანი დაშავდა, მათ ხომ ეს წინასწარ განზრახვით გააკეთეს, რომ მთავრობის მიმართ სიძულვილი გაგძლიერებოდათ.გამოდის მთავრობას აქვს კონსტიტუციური უფლება დაიცვას ხელისუფლება და ეს ოპოზოციამ ძალიან კარგად იცოდა, მაგრამ ისევ ის და უარესიც აქვთ დაგეგმილი, რა თქმა უნდა თქვენი ზურგით, რატომღაც მათ ეს ხელჯოხები არ ხვდებათ. საინტერესოა აგრეთვე იცოდეთ კონსტიტუციის მუხლი 26, პარაგრაფი 3.

დაუშვებელია ისეთი საზოგადოებრივი და პოლიტიკური გაერთიანების შექმნა და საქმიანობა, რომლის მიზანია საქართველოს კონსტიტუციური წყობილების დამხობა ან ძალადობით შეცვლა, რომელიც ეწევა ძალადობის პროპაგანდას და სოციალური შუღლის გაღვივებას.

 მაშ რა გინდათ მთავრობასთან, როცა თქვენ არღვევთ კანონსა და კონსტიტუციას, იწვევთ არეულობასა და დესტაბილიზაციას, გადადიხართ ძალადობაზე, მთავრობას აქვს უფლება დაიცვას თავისი უფლებები, დაიცვას ქვეყნისა და ხალხის სიმშვიდე, ხალხისა, რომლებიც პატივს სცემს კანონებს. მსოფლიოს ყველა ცივილიზებულ ქვეყნებში მიღებულია სახელმწიფოსათვის საშიში დემონსტრაციების დაშლა ანალოგიური მეთოდებით. ეს არასამთავრობო ოპოზიცია კი კონსტიტუციის ყველა ამ მუხლს არღვევს და ისევ მოგიწოდებთ არეულობისაკენ, იქამდე ჩვენი ქართველი მწერალი ბატონი ელიზბარ ჯაველიძე სისხლისღვრისაკენაც კი მოგიწოდებთ და იცით რატომ? მწერალთა კავშირის შენობის გულისათვის, რომელიც ყველა ჩვენზე უფრო განვითარებულ, დემოკრატიულ და მდიდარ სახელმწიფოებში მწერლებს იჯარით აქვთ აღებული საქველმოქმედო შემოსავლების ხარჯზე და ამ შენობის გულისათვის უნდათ დაღვარონ თქვენი, ჩვენი მომავალი თაობის სისხლი. მათი სიტყვით სამშობლოს დაცვისათვის შეწირული ბიჭების სისხლი სააკაშვილის სინდისზეა, ქართველების მიერ ქართველთა ამოწყვეტა კი დიდი “მადლი” ყოფილა, მაშ დავერიოთ ერთმანეთს, გავუხაროთ მტერს გული, ესენი ხომ რუსეთის შეკვეთებს ასრულებენ, რაც რუსის ჩექმამ დაგვაკლო, მათ უნდა აასრულონ, ამით ბარემ ზოგიერთ ვაიმწერლებსაც გავუხარებთ გულს. დედებო ვის გემეტებათ შვილები სისხლისღვრისათვის, ვისაც გინდათ გაუშვათ სამსხვერპლოზე შვილები მიმართეთ არასამთავრობო ოპოზიციას ან ელიზბარ ჯაველიძეს [მისი ეს სისხლისღვრისაკენ მოწოდება 9 თებერვლის გაზეთ ასავალ_დასავალში არის გამოქვეყნებული].

 ჩემო ძვირფასო ქართველო ხალხო, ვიცი ბევრ თქვენგანს ტელევიზორისათვის არა სცალია, მაგრამ ბევრმა თქვენგანმა ალბათ ნახა 13 თებერვალს გადაცემა “პოზიცია”, სადაც მიწვეული იყო კობა დავითაშვილი. მოისმინეთ ალბათ მისი კრიტიკა პრეზიდენტის მიმართ, რომ ის სოციალურ საკითხებზე ამახვილებს ყურადღებას და დღეს ქართველებს სოციალური მდგომარეობის გაუმჯობესება კი არა საქართველის ტერიტორიების დაბრუნება უნდათ,[ ჩემი ფიქრით ერთი მეორეს ხელს არ უშლის], ალბათ მას იმის თქმა უნდოდა, რომ ჩვენ ეს თანხები ამ ტერიტორიების გამოსასყიდათ უნდა გამოვიყენოთ ტერორისტებისაგან, ვერ გავიგე რა დააშავა ამ შემთხვევაში პრეზიდენტმა, თუ მოსახლეობას სოციალური მდგომარეობა გაუუმჯობესა, რა შუაშია ეს თანხები ტერიტორიების დაბრუნებასთან. ეს ტერიტორიები 15-16 წელია ჩვენ არ გვეკუთვნის, ამ ხნის განმავლობაში რუსეთთან მეგობრული ურთიერთობა გვქონდა და რუსეთის მეგობარმა შევარდნაძემაც კი ვერ დაიბრუნა, ამ ოპოზოციას აქვთ “შანსი” გააერთიანონ საქართველო, შეუძლიათ თხოვონ პუტინსა და მედვედევს გააერთიანონ საქართველო და გაერთიანებული წაიღონ, მაშინ ეს რუსის ჯარიც ჩვენიანი იქნება და არც დემოკრატიის შენება იქნება საჭირო, მსოფლიოც ამოითქვამს სულს და რუსეთიც, დაგვისვამენ ამ ოპოზიციას სათავეში განუსაზღვრელი ვადით და არ იქნება არეულობა, ეს უნდათ მათ. ალბათ იმასაც მიაქცევდით ყურადღებას, რომ როცა ბატონი კობა ლაპარაკობდა უკანა ფონზე გამუდმებით აჩვენებდნენ- კობა ჭიქით ხელში, კობა_ვახტანგურათ როგორ სვამს, კობა_ოპოზიციასთან ერთად გაწყობილ მაგიდასთან, კობა_სუფრასთან მეგობრებს შორის, ამ ოპოზოციას ალბათ ხელისუფლებაში მოსვლა გაწყობილ მაგიდასთან ქეიფი ჰგონიათ, მიტომაც აირჩიეს გაერთიანებულმა ოპოზიციამ პრეზიდენტობის კანდიდატათ მეღვინე ბიზნესმენი ლევან გაჩეჩილაძე, რატომღაც ეხლა გადაიფიქრეს, ალბათ ღვინო მიაკლეს. აღერღეს კაცი და ეხლა არაო, უფრო მეტი ავტორიტეტიანი უნდათ, მათში უკვე ასეთი არ მოიძებნება და ბატონ ირაკლი ალასანიას შეჰღაღადებენ, ისიც თუ დათანხმდება და კონსტიტუციას და კანონებს ფეხებზე დაიკიდებს, იმავე დონეზე დავა, როგორც ისინი არიან, ასავალ_დასავალის 16_22 თებერვლის ნომერში გამოჩნდა უკვე კრიტიკა მის შესახებ.

  იმავე რიცხვის ნომერში გამოქვეყნებულია ინტერვიუ ირაკლი წერეთელთან, მე არაფერს ვიგონებ, ვწერ გაზეთის ნომრებს, რომელიც თქვენ თვითონ შეგიძლიათ გადაამოწმოთ, ვაქვეყნებ ამონაწერს: “ ამ გამოშტერებულ ქართველებს ჰგონიათ, რომ დღეს ქართულ პოლიტიკაში ვინმე ირაკლი წერეთელზე მაგარია, არადა 18 წლის განმავლობაში რაც აქტიურ პოლიტიკაში არა ვარ [ნეტავი მანამდეც არ ყოფოლიყავი-ავტ.]დედა ეტირა საქართველოს. ამ 18 წლის განმავლობაში მე და ჩემი მოკავშირეები ვყოფილიყავით საქართველოს სათავეში, აფხაზეთი და სამაჩაბლო კი არა, თურქეთის ქართული მიწებიც ჩვენს გამგებლობაში იქნებოდა.” ესე იგი მათ 18 წლობით უნდათ სათავეში ყოფნა, მთავარია მოვიდნენ, თორემ მერე უკაცრავად ძვრას ვერ უზამთ და რატომ ამტყუნებენ სააკაშვილს არ ვიცი, ჯერ ხომ 18 წელი არ გასულა. გამოდის, რომ ქართველები გამოშტერებულები ვართ და ამას მარტო ის არ ფიქრობს, ყველა ეს ოპოზიცია ამ აზრისაა, ამიტომ გათამაშებენ როგორც უნდათ, ესაა, რომ მან გაახმიანა ეს აზრი, ისინი კი მეტი ეშმაკები არიან, სხვა როგორ უნდა აიხსნას ის, რომ 18 წლის განმავლობაში მათი მოსაწონი მთავრობა არ მოვიდა და კიდე 18 წელი ასე გაგრძელდება, ვინაიდან ყველა მათგანს უნდა სათავეში ყოფნა და ეს “გამოშტერებული ქართველები” სანამ მათ დაძახილზე დაუფიქრებლად გავრბივართ, საქართველო არ დაწყნარდება. ოპოზიცია ყოველთვის იარსებებს, ვიღაცას მოსწონს და ვიღაცას არა მოქმედი ხელისუფლება და გამოდის ჩვენ მუქმივად არეულობაში უნდა ვცხოვრობდეთ, ზვიად ძიძიგურმაც ხომ ბატონ სანდროსთანაც [ვირთან] ეს განაცხადა, რომ თუ კიდევ ვინმე მათი მოსაწონი არ მოვა, ისევ იბრძოლებენ, მაშინ რა საჭიროა პრეზიდენტის არჩევა ხუთი წლით, თუ კი არ დავაცლით და ყოველ ერთ წელში შევცვლით ძალადობით ხელისუფლებას. როდემდე ხალხნო, როდემდე უნდა იყოს არეულობა? ჩემო ბრძენო ხალხო, თქვენ თვითონ დაუკვირდით ამ მთავრობამ რაც კი კარგი დანერგა, ყველაფერი მათი კრიტიკის ქვეშ გადის, რატომღას დარწმუნებულნი არიან, რომ ეს “გამოშტერებული ქართველები” ყველაფერს ბრმად დაუჯერებენ. ავიღოთ სამედიცინო დაზღვევა, ამ იდეას ისინი დაცინვით შეხვდნენ, მაგრამ ეს რეალურია, ბევრ ქვეყნებში ამ თანხებს სახელმწიფო იხდის, ბოლოსდაბოლოს ეს პირადად შეგიძლიათ შეამოწმოთ. დღეს ისინი ეკლესიასაც აიძულებენ პოლიტიკაში ჩაერიოს, მაშინ როცა ეკლესია პოლიტიკაში არასოდეს არ ერეოდა. ისინი ვაჭრობენ უწმინდესის და უნეტარესის სახელით, მაგრამ ჩვენს პატრიარქს არცერთი წირვა არ ჩაუტარებია, მათთვის რომ არ მოეწოდებინა, რომ აზრი, რომელიც წარმოშობს შუღლსა და დაპირისპირებას, ცოდვაა ღვთისა და ერის წინაშე, მაგრამ ისინი ამას არ უსმენენ, მათთვის “წმინდა’ მხოლოდ სკამი და ხელისუფლებაში ყოფნაა, მე არ მოგიწოდებთ გააღმერთოთ სააკაშვილი, თქვენ ხალხს შეგიძლიათ მისი შეცვლა, კონსტიტუციისა და კანონების დაცვით, ყოველგვარი დაპირისპირებისა და არეულობის გარეშე.

ოპოზოცია ამ კონსტიტუციის არცერთ მუხლს არ სცნობს, ეს კონსტიტუცია 1995 წელს დაიწერა, მაშინ ხომ სააკაშვილი არ იყო სათავეში. კონსტიტუციაში -  სწერია; მუხლი 24, პარაგრაფი 1. ყოველ ადამიანს აქვს უფლება გამოთქვას აზრი ზეპირად, წერილობით ან სხვაგვარი საშუალებით. მასობრივი ინფორნაციის საშუალებები თავისუფალია, ცენზურა დაუშვებელია. მე კი მიუხედავად იმისა, რომ თითქოსდა სააკაშვილის “რეჟიმი” არის, ვერცეთ გაზეთში ვერ მოვახერხე ჩემი წერილების გამოქვეყნება, ვინაიდან ოპოზიციის გაბრაზებას ერიდებიან, მათ შორისაა ასავალ_დასავალიც, ეხლა ამიხსენით ვისი რეჟიმია უკვე დაწყებული.

 ჩემო ხალხო თქვენ ძალიან კარგად იცით ვინ არის ჯორჯ ბუში, ყველა ამერიკელმა და მსოფლიომაც იცის, რომ ომი ერაყში ძალიან დიდი შეცდომა იყო, ძალიან ბევრი უდანაშაული ამერიკელი ახალგაზრდები შეეწირა ამ ომს, მსოფლიო კრიზისიც მისი პრეზიდენტობის დროს დაიწყი, მასაც ყავდა ოპოზიცია, მაგრამ ოპოზიციამაც და ყველა ამერიკელმა კარგად იცის, რომ კონსტიტუციასა და კანონებს უნდა დაემორჩილონ, მით უმეტეს მისი არჩევნების დროს მოხდა საეჭვო გაყალბება, მაშ რატომ უნდა გვჯობდეს ამ ახალგაზრდა ქვეყნის მოქალაქეთა შეგნება, ჩვენს 2000 წელზე მეტი ხნის მოქალაქეთა შეგნებას, ჩვენ, რომ ეს წლები მხოლოდ ერთმანეთის ქიშპობაში და დაპირისპირებაში არ გაგვეტარებინა, ხომ უფრო მეტი წინსვლა და განვითარება ექნებოდა საქართველოს.მთავარი ჩვენი შეცდომა იცით რა არის? პოლიტიკოსია თუ მწერალი, მხატვარი თუ მეცნიერი, ბიზნესმენი თუ მსახიობი, რომელთაც მისი პროფილით დიდი სახელი ვერ შეიძინა, ან პირადად რაღაც შეეხო, ყველა პოლიტიკაში გარბის სახელისათვის ან მისი დანაკარგის დასაბრუნებლად და არა ხალხის კეთილდღეობისათვის, კეთილდღეობა თუ უნდათ, ძალა ერთობაშია და არა შუღლსა და სიძულვილში. ყველა მათგანს ბრძენად და ლიდერად მიაჩნიათ თავის თავი, ყველა ჭკვიანია ხალხის მეტი, ჩვენ “შტერები” ვართ, რომლენიც ფიქრსა და აზროვნებას მოკლებულია და უნდა ვაღიარო, ამის საბაბი თავად მივეცით, როცა მათ დაძახილზე დაუფიქრებლად გავრბივართ. თქვენ თვითონ დაუფიქრდით ნინო ბურჯანაძის სიტყვებს, რომელიც 9_15 თებერვლის ასავალ_დასავალში რომ წერს: სააკაშვილს არ ესიამოვნება, ჩემს მემუარებში, რასაც დავწერო. თუ ის მთავრობაში ყოფნის დროს ნეხვში იჯდა და გულშიც ნეხვს აგროვებდა, თუ კი იქ დანაშაულობები ხდებოდა, რატომ დროულად არ დატოვა ხელისუფლება და არ აყვირდა, თუ ჯერ მისი წილი უნდა მიეღო? მოშიმშილეებზე პლედების არ მიცემაც სააკაშვილის ბრალია? რატომღაც დღეს გახდა ჰუმანური. ასეა, თუ დაუკვირდებით ყველა ოპოზიციონერი საკუთარი ინტერესებისა და განაწყენებისათვის არის ოპოზიციაში მოსული, ყველას ჰგონია თვითონაც კარგად შეძლებს ქვეყნის მართვას, მაგრამ დაცდა არ შეუძლიათ და ამას არეულობითა და ურთიერთდაპირისპირებით აკეთებენ. მოდით ხალხნო, ნუ ვიქნებით ასეთი გულუბრყვილოები და “შტერები”, ჩვენს ხელშია საქართველოს ბედი და ნუ გადავაყოლებთ საქართველოს ერთეულების ამბიციებს. პოლიტიკა ბინძური თამაშია და ჩვენ ნუ ჩავეფლობით ამ სიბინძურეში, დაე ეს თამაში მათ უჩვენოდ ითამაშონ და ჩვენ მხარი დაუჭიროთ არჩევნებზე მათ, ვინც იბრძოლებს კონსტიტუციისა და კანონის დაცვით. დაე მათ მიუშვირონ ზურგი მოქნეულ ხელჯოხებს, და თუ არ იქნება კონსტიტუციისა და კანონის დარღვევა, არ იქნება ხელჯოხებიც, შეიგნეთ, რომ კონსტიტუციით მათ აქვთ დაცვის უფლება, ეს ისეთივე კანონია, როგორიც ქურდობასა და სხვა დანაშაულებებისათვის არის, კანონი კანონია და ნუ გავბრიყვდებით. ღმერთმა დაგლოცოთ.